Prime Minister's speech at the 16th Pravasi Bharatiya Divas Convention.
Narendra Modi · Prime Minister of India
- Context
- Modi addressed the 16th Pravasi Bharatiya Divas Convention virtually on January 9, 2021, celebrating the Indian diaspora's contributions amid the COVID-19 pandemic.
- Main themes
- Indian diaspora contributions, Pravasi Bharatiya Divas Convention, COVID-19 pandemic resilience, Atmanirbhar Bharat initiative, vaccine production and distribution, digital infrastructure, Vande Bharat Mission, economic reforms, global cooperation, SWADES initiative, RISHTA portal, India's technological advancements
- Duration
- ~7 min
- Words
- 811
- Sentences
- 59
- Readability
- 38
- Grade
- 11.3
- Syntax
- 2.19
- Vocabulary
- 2.44
Translated from Manipuri
The broad sphere of national life a sentence belongs to. Every sentence has an Arena, so it is the denominator the other indices are read against.
Other59 sentences in 27 paragraphs
Greetings to the people of India on the occasion of the 2021 Republic Day! Despite the challenges posed by the global pandemic, India has shown resilience and determination, standing strong with the spirit of unity and progress.
Dear friends,
The Indian diaspora has played a significant role in enhancing India's global image. The Pravasi Bharatiya Divas is a testament to the contributions of overseas Indians. This year, the event was held virtually, with participation from over 240 delegates from 60 countries. The event included a quiz competition that saw enthusiastic participation, highlighting the knowledge and connection of the diaspora with India.
The quiz competition, held on January 15, was a platform for participants to showcase their understanding of India. The winners were recognized for their knowledge and connection to their roots. The event emphasized the importance of technology in strengthening ties with the diaspora.
Dear friends,
This year has been challenging, but the Indian diaspora has continued to contribute to India's growth and development. The diaspora's efforts in various fields have been recognized and appreciated. The Surinamese President, Mr. Chandrikapersad Santokhi, highlighted the importance of India's contributions during the pandemic, emphasizing the need for global cooperation and solidarity.
India's young doctors, paramedics, and healthcare workers have been at the forefront of the fight against COVID-19. Their dedication and commitment have been commendable. The efforts of temples, gurudwaras, and community kitchens in providing relief and support have been invaluable.
The Indian government has taken significant steps to support the economy during the pandemic. Initiatives like the PM CARES Fund have been instrumental in providing relief and support to those in need. The government's focus on self-reliance and innovation has been a driving force in overcoming challenges.
Dear friends,
India's technological advancements have been remarkable. The country has made significant strides in renewable energy, with a focus on sustainability and innovation. The government's efforts in promoting digital infrastructure and connectivity have been crucial in driving growth and development.
The Indian pharmaceutical industry has played a vital role in the global fight against COVID-19. India's vaccine production and distribution efforts have been recognized worldwide. The country's commitment to providing affordable healthcare solutions has been a testament to its leadership in the global health sector.
Dear friends,
India's commitment to self-reliance and innovation has been a guiding principle in its development journey. The Atmanirbhar Bharat initiative has been a cornerstone of India's economic strategy, focusing on building a resilient and self-sufficient economy.
The Indian diaspora's contributions to India's growth and development have been invaluable. Their efforts in various fields have been recognized and appreciated. The Global Indian Scientists and Technocrats Meet was a platform for sharing knowledge and expertise, with participation from over 70 scientists and experts from 25 countries.
The Indian government has introduced structural reforms to enhance investment and economic growth. Initiatives like the Production Linked Incentive Scheme have been instrumental in boosting manufacturing and exports.
Dear friends,
India's commitment to global cooperation and solidarity has been unwavering. The Vande Bharat Mission has been a testament to India's efforts in repatriating stranded citizens during the pandemic. The mission has facilitated the return of over 4.5 lakh Indians from various countries.
The Skilled Workers Arrival Database for Employment Support (SWADES) initiative has been launched to map the skills of returning workers and connect them with employment opportunities in India and abroad.
The RISHTA portal has been launched to strengthen connectivity and engagement with the Indian diaspora. The portal provides a platform for the diaspora to connect with India and contribute to its growth and development.
Dear friends,
As we celebrate the 75th anniversary of India's independence, we reflect on the contributions of great leaders like Mahatma Gandhi, Netaji Subhas Chandra Bose, and Swami Vivekananda. Their vision and leadership have been instrumental in shaping India's destiny.
The Indian diaspora's contributions to India's growth and development have been invaluable. Their efforts in various fields have been recognized and appreciated. The digital platform and portal launched for the diaspora provide a platform for sharing stories and experiences.
The quiz competition organized for the diaspora was a platform for showcasing knowledge and connection to India. The event highlighted the importance of staying connected to one's roots and contributing to India's growth and development.
Dear friends,
The virtual event was a testament to the resilience and determination of the Indian diaspora. Despite the challenges posed by the pandemic, the diaspora has continued to contribute to India's growth and development. Their efforts have been recognized and appreciated.
Thank you.
Today is a significant day as I have the opportunity to address the President of Suriname. In my heart, I am deeply grateful to be among the people who have been instrumental in strengthening the ties between India and Suriname. I am truly honored to be a part of this gathering. This important occasion allows us to further deepen our connections.
The original Manipuri. The tags above are read on the English translation's sentences.
অতোপ্পা লৈবাক কয়াদা লৈরিবা ভারতকী ইচিল ইনাও পুম্নমক খুরুমজরি! অদোম পুম্নমক্কী মফমদা ২০২১গী য়াইফ পাউজেল পীজরি! ঙসি মালেমগী কাচিন কোয়াদগী ঐখোয়বু ইন্তরনেতনা শম্নহল্লবসু ঐখোয় পুম্নমক্কী পুক্নিং ৱাখলদি ভারতকা লোয়নদুনা লৈরি, অমগা অমগগী মরক্তা অমত্তা ওইবগী ইথিলনা পুন্দুনা লৈরি।
মরূপশিং,
মালেম শিনবা থুংনা ইমা ভারতকী মিংচৎ হেনগৎহল্লিবা মরূপ ময়ামবু প্রবাসি ভারতিয়গী ইকায়খুম্নবা উৎপগী চৎনবী অমা ইন্দুনা লাক্লি। ভারত রত্ন লৈখিদ্রবা শ্রী অতল বিহারি বাজবায়িনা তাকপিরম্বা পরিংদা হৌদোকখিবা থৌরম অসিদা হৌজিক ফাওবদা তোঙান তোঙানবা লৈবাক ৬০দা লৈবা অথোইবা মীওই ২৪০গী ময়াদা ইকায়খুম্নবা উৎখ্রে। হন্দকসু মসিগী মতাঙদা লাউথোক্কদৌরি। মতৌ অসুম্না মালেম শিন্বা থুংনা লৈরিবা মরূপশিংনা ভারতপু খঙউ হায়বা কুইজ কম্পিতিসন অসিদা শরুক য়ারি। মশিং অসিনা তাক্লি মদুদি হৌরকফমদগী লাপ্না লৈখ্রবসু অনৌবা মীরোলদা লৈরিবা নকশিন্নবদি হেনগৎলক্লি হায়বসিনি।
কুইজ অসিগী অথোইবা ১৫সু ঙসিগী ভর্চুএল থৌরম অসিদা ঐখোয়গী ইরক্তা য়াওরি। ঐনা অথোইবা পুম্নমক্কী মফমদা য়াইফ পাউজেল পীজরি অমদি কুইজ কম্পিতিসন অসিদা শরুক য়ারিবা মীপুম খুদিংগী লমন তোনশিল্লে অমদি কুইজ কম্পিতিসন অসিদা শরুক য়ারিবা খুদিংমক্কী মফমদা ঐনা হায়জনিংবদি মথঙ কুইজ কম্পিতিসন অসি পাঙথোকপা মতমদা অদোম খুদিংমক্কী মায়কৈদগী অনৌবা মীওই ১০সু য়াওহন্নবা হোৎনবিয়ু হায়বসিনি। মরী অসি মখা শমথহনগদবনি, হেনগৎহনগদবনি, মীয়ামবু হেন্না পুনশিন্ননবা হোৎনগদবনি। লৈবাক কয়াদগী মীওইশিং ভারত্তা লাইরিক তম্নবা লাক্লি, মহৈ তম্লবা মতুংদা মরৈবাক্তা হনখি, মখোয়সু কুইজ কম্পিতিসন অসিদা শরুক য়াদুনা কুইজ কম্পিতিসন অসিগী এম্বেসেদর ওইননবা হায়ফম থোকই মরমদি মসি মালেমগী অনৌবা মীরোলদা ভারতপু খঙহন্নবা তেক্নোলোজীনা থৌবা য়াম্না লায়বা পাম্বৈ অমনি। মরম অসিনা ৱাফম অসিবু অদোম খুদিংমক্না শন্দোক্নবা ঐনা হায়জনিংই।
মরূপশিং,
হৌখিবা চহী অসি ঐখোয় খুদিংমক্কী ওইনা শিংনবনা থল্লবা চহী ওইখি। অদুবু শিংনবশিং অসিগী মরক্তা মালেম শিন্বা থুংনা লৈরিবা ঐখোয়গী ইন্দিয়ন দাইয়স্পোরাশিংনা কমদৌনা মখোয়গী থবক পাঙথোকখিবগে, কমদৌনা মখোয়গী থৌদাং য়াখিবগে হায়বসি ভারতকী চাউথোকচনিংঙাই ওইবা ৱাফম্নি। মসিমক ঐখোয়গী চৎনবীনি, মসি লৈহাউ অসিগী লীচৎনি। মফম অসিদগী খুন্নাই অমসুং রাজনিতিগী লুচিংবশিংগী মালেম শিন্বা থুংবদা ভারতকী মরূপশিংগী মফমদা লৈরিবা থাজবা হেনগৎলিবনি।
ঙসিগী থৌরম অসিগী মরুওইবা মীথুং, সুরিনামগী অনৌবা রাস্ত্রপতি শ্রীমান চন্দ্রিকা প্রসাদ সন্তোখী জী, মহাক মশামক অসিগুম্লবা থৌগলগী ৱাখল্লোন অসিগী মশক নাইরবা খুদম অমনি। ঐনা মসিমসু হায়নিংই মদুদি কোরোনাগী লাংফম অসিদা অতোপ্পা লৈবাকশিংদা লৈখিবা ভারতকী ইচিল ইনাওশিংগী পুন্সি মাঙখিবদা ঐনা মখোয়গীদমক নুংঙাইতবা ফোঙদোকচরি অমদি মখোয়গী ইমুং মনুংগী মীওইশিংদা চৎনবী অসিনা থৌনা হাপসনু হায়না ঐনা থৌনিজরি। ঙসি সুরিনামগী রাস্ত্রপতিগী তরাম তরামবা ৱাহৈশিং অমদি ভারতকীদমক মহাক্কী মফমদা লৈরিবা মিনুংসি অসিনা ঐখোয় পুম্নমক্কী থম্মোয়বু শুমহৎহল্লে। মহাক্কী ৱাহৈ খুদিংদা, মওং মতৌ খুদিংদা ভারতকীদমক লৈরিবা ৱাখল মমি তারি, উত্থোক্লি অমদি ঐখোয়বু পুক্নিং থৌগৎলি। মহাক্কী মতৌগুম ঐখোয় অথুবা মতমদা উনবা ফংগনি, অমদি ঐখোয়না ভারত্তা সুরিনামগী রাস্ত্রপতিজীবু তরাম্না ওক্ননবা তাঞ্জা ফংগনি হায়বা ৱাখল ঐঙোন্দা ফাওই। হৌখিবা চহীদা মীরমদা লৈখ্রবা ভারত মচাশিংনা হীরম খুদিংদা মখোয়গী শক্তম হেন্না মতিং লৈহনখি।
মরূপশিং,
হৌখিবা থা খরসিদা ঐনা মালেমগী লৈবাক্কী মকোক কয়াগা খন্ন-নৈনখি। লৈবাক্কী মকোকশিংনা মীরমদা লৈরিবা ভারত মচা দোক্তর, পেরামেদিক্স অমদি মীচম মীয়াম্না করম্না মখোয়গী লৈবাক্কী থৌগল তৌবগে হায়বা ৱাফমশিং অখন্ননা ফোঙদোক্নরকখি। মন্দির ওইরবসু, ঐখোয়গী গুরুদ্বারাশিং ওইরবসু, ঐখোয়গী লঙ্গরশিংগী অথোইবা চৎনবী ওইরবসু ঐখোয়গী মশিং য়াম্লবা অপীক অপীকপা খুন্নাইগী, চৎনবীগী অমদি লাইনিংগী লূপশিংনা থৌগল তৌবগী ৱাখল্লোন্দা মতিং উৎখি। অদুগা মীপুম খুদিংমক্কী থৌগল তৌবগী থৌদাং লুরবা লাংফম অসিদা লৌখিবা অদুমক মালেমসিগী লৈবাকশিংদা ঐনা তাবা মতমদা ঐঙোন্দা কয়াগী মতিক চাউথোকচবা ফাওখি। ফোন্দা অদোমগী থাগৎ ৱাহৈ তাবা মতমদা মালেমগী লুচিংবা খুদিংনা অদোমগী মতৌ শক্ন-শোন্নবা মতমদা অমদি হায়রিবা ৱাফমশিং অসি ঐগী মরূপশিংদা পাউদম্বা মতমদা মীপুম খুদিংগী ৱাখলদা কয়া য়াম্না নুংঙাইবা অমদি চাউথোকচবা ফাওরমগদগে হায়বসি অদোম ৱাখলনা লাম্বা ফংলমগনি। অদোমগী থৌওং অসিনা মালেমগী কাচিন কোয়া থুংনা শোন্নরি। মসিদা নুংঙাইবা ফাওরোইদবা ভারত মচা কনা লৈরমগদগে। অদোম্না লৈরিবা মফমদুদখক নত্তনা ভারত্তসু অদোম পুম্নমক্না ভারতনা কোবিদকা লান্থেংনরিবা অসিদা মখু খুদিংগী মতেং পাংলকখি। পি.এম. কেয়র্সতা অদোম্না মতেং পাংলকখিবশিং অদুনা ভারত্তা হকশেলগী মচাক মথুম মপাঙ্গল কনখৎহনবদা মতেং ওইখি। মসিগীদমক ঐনা অদোম পুম্নমক্কী মফমদা তৌবিমল খঙবা উৎচরি।
মরূপশিং,
ভারতকী অথোইবা লাইনিংবা অমদিং মিৎয়েং শাল্লবা মীওই, লাইনিংবা তিরুবল্লুরনা মালেমগী খ্বাইদগী লিরবা লোল, ঐখোয় চাউথোকপগা লোয়ননা হায়বা য়াই, মালেমগী খ্বাইদগী লিরবা লোল তামিলদা হায়বিরম্মি –
কেয়ে-দরিয়াক কেত্তৱ ইদ্দুত্তুম বরন্গুন্দ্রা।
নাতেন্প নাত্তিন তলই।
মসিগী ৱাহন্দি – মালেমগী খ্বাইদগী অথোইবা লৈবাকতি মখোয়গী য়েক্নবশিংদগী ফত্তবা তমশিনদবা অদুগা করিগুম্বা মখোয়না অৱাফমদা তারক্লবদি অতোপ্পগী য়াইফনবা তৌফম থোকপা খুদিং তৌবা লৈবাক্তুবুনি হায়বসিনি।
মরূপশিং,
অদোম খুদিংমক্না হায়রিবা লাইৱা অসিবু থবক ওইনা উৎলি। মতম পুম্বদা মসি ঐখোয়গী ভারতকী অথোইবা মতিক ওইদুনা লাক্লি। ইং চিকপা মতম ওইরবসু লাংফমগী মতম ওইরবসু ঐখোয় ভারত মচাশিংনা মতম পুম্বদা ইচঙ থৌনা মায়োক্নদুনা লাক্লি। মরম অসিদগী অসিগুম্লবা মতিং লৈরবা লৈবাক অসিগীদমক তোপ তোপ্পা লীচৎ অমা ঐখোয়না উরি। ভারতনা লোইলম লৈঙাক্কী মায়োক্তা ইহৌ হৌখিবা মতমদা মালেমগী লৈবাক কয়াদা নীং তম্বগী ইথিল পোকহনখি। ভারতনা তেরোরিজমগী মায়োক্তা লেপ্পা মতমদা মালেম অসিনা শিংনবা অসিবু থেংননবা অনৌবা থৌনা অমা ফংলি।
মরূপশিং,
ভারতন ঙসি শেঞ্জা থুমজা মরু মাঙহন্নবা তেক্নোলোজী নীংথিনা শিজিন্নরি। অৱাৎপা কয়ানা মরম ওইদুনা লুপা লাখ করোর কয়া অরানবা মফমদা য়ৌরমবদু ঙসিদি কান্নবা ফংগদৌরিবা মীওইশিংগী বেঙ্ক একাউন্তা য়ৌহল্লে। ভারত্তা অনৌবা থৌরাং কয়া লৌখৎলিবশিং অসি কোরোনাগী মতমসিদা মালেমগী লুপশিংনা থাগৎনরিবসি অদোমসু উবিরম্লগনি। অনৌবা তেক্নোলোজীগী মতেংনা লায়রবদগী লায়রবশিংবু মপাঙ্গল কলহন্নবা থৌরাং ঙসি ভারত্তা পায়খৎলিবসি ঙসি মালেমগী কাচিন কোয়া শিনবা থুংনা হীরম খুদিংদা থাগৎনরি।
ইচিল ইনাওশিং,
রিনিউএবল ইনর্জীগী মতাঙদা চাউখৎলক্লিবা মালেমগী লৈবাক অমনা মাঙজিল থানা চৎপা ঙম্মি হায়বা ঐখোয়না উৎলে। ঙসিদি ভারতনা হৌদোকখিবা নুমিৎ অমা, মালেম অমা, গ্রীদ অমগী লাইৱা অসিনা মালেমগী পুক্নিং চিংশিল্লি।
মরূপশিং,
ভারতকী মতিং, ভারত মচাশিংগী মতিং কনাগুম্বনা চিংনবা পোক্লকপা মতমদা চিংনবা খুদিংমক অরানবনি হায়না উত্তুনা লাক্লি হায়বসি ভারতকী পুৱারীনা খুদম্নি। মীনাই নাইথাং ওইরিঙৈ মতমদা ভারত কৈদৌনুংদা মনীং তম্বা ঙম্লোই মরমদি মখোয় খাইবুং খাইবুং তানবা লম্নি হায়না মীরৈবাক্কী মীওই কয়ানা হায়খি। হায়রিবা ৱাফমদুমক অরানবা ওইনা উৎলে অমদি ঐখোয়না নীংতম্বা ফংলে।
মরূপশিং,
ভারতনা নীংতম্বা ফংলকপা মতমদা য়াম্না লায়রবা, লাইরিক নীংথিনা হৈতবা ভারত অসি কায়দুনা মচোই মচোই তাখিগনি, মীয়ামগী লৈঙাক ওইথোক্লোই হায়নসু হায়নখি। ঙসিদি ভারত অমত্তা ওইরি অমদি মালেমগী খ্বাইদগী মপাঙ্গল কনবা, খ্বাইদগী মশক থোকপা, খ্বাইদগী মতিং লৈবা মীয়ামগী লৈঙাক ভারত্তা লৈরি হায়বসি অচুমবা ৱাফম ওইরি।
ইচিল ইনাওশিং,
নীং তম্লবা মতুং চহী কয়া অমসু ভারত লায়রবা লাইরিক হৈতবা লৈবাক্নি মরম অসিনা সাইন্স অমসুং তেক্নোলোজীগী লমদা শেল থাদবগী কান্নবা থোইদোক্না লৈরোই হায়বা ৱাফমশিং লৈখি। ঙসিদি ভারতকী তরংগী থৌরমশিং, ঐখোয়গী তেক স্তার্তঅপ ইকো-সিস্তেম মালেমগী ওইনা মাঙজিল থারি। কোবিদকী শিংনবনা থল্লবা চহীসিদসু অনৌবা সমদোল কয়া অনৌবা তেক স্তার্তঅপ কয়া ভারত্তগী থোরক্লি।
মরূপশিং,
লাইচৎকী মতমসিদা ঐখোয়গী মতিং করিনো ঐখোয়গী হোৎনবগী ফিরেপ করিনো হায়বা ভারতনা অমুক্কা হন্না উৎলি। চাউখ্রবা মীয়ামগী লৈঙাক লৈবা লৈবাক অসিনা অমত্তা ওইনা লেপ্লিবা অসিগা মান্নবা খুদম মালেমদা লৈতে। পি.পি.ই. কিত ওইরবসু, মাস্ক ওইরবসু, ভেন্তিলেতর ওইরবসু, তেস্তিং কিত ওইরবসু হায়রিবা পুম্নমকসি ভারতনা মপান্দগী লৈখিদে। ঙসি কোরোনাগী লাংফম মরকসিদা থৌনা হাপ্তুনা ভারতনা হায়রিবা হীরমসিংসিদা মরোমদোম লেপচবা ঙম্বতা নত্তনা মসিগা মরী লৈনবা পোত্থোক কয়া মপান্দা থাদোকপসু হৌরক্লি। ঙসিদি ভারত মালেমগী ওইনা শিবগী চাং খ্বাইদগী নেমবা অমসুং ফগৎলকপগী চাং খ্বাইদগী ৱাংবা লৈবাকশিংগী মরক্তা অমা ওইরি।
ঙসিদি ভারতনা ভারত্তা শাবা ভেক্সিন অমখক্তা নত্তনা অনি পুথোক্তুনা মীওইবা খুন্নাইগী শাফনবগীদমক থৌরাং তৌরি। মালেমগী ফার্মাসী ওইবা মরম্না মালেমগী মথৌ তাবা লৈবাক খুদিংমক্তা হিদাক লাংথকশিং ফংহন্ননবা থবক ভারতনা হান্নসু তৌদুনা লাক্লি অমদি ঙসিসু তৌরি। ঙসিদি মালেম অসিনা ভারতকী ভেক্সিন ঙাইবখক নত্তনা মালেমগী খ্বাইদগী চাউবা ভেক্সিনেসনগী থৌরাং ভারতনা কমদৌনা তৌবগে হায়বা য়েংননবা ঙাইদুনা লৈরি।
মরূপশিং,
মালেমগী লাইচৎ মনুংসিদা ভারতনা তমহৌবা পরা অসিনা হৌজিক্তি আত্মনিরভর ভারত অভিয়ানদা ইনোৎ হাপ্লি। মফমসিদা হায়নরিবা ৱাফমদি –
সতহস্ত সমাহ সহস্নহস্ত সং কির
হায়বদি খুৎ চাম্মনা তাল্লু অদুবু খুৎ লিশিংনা য়েন্থোকউ হায়বসিনি। ভারতকী মরোমদোম লেপচবগী ৱাখল্লোনসু মসিনি। ভারত মচা করোর কয়াগী হোৎনজমলনা ভারত্তা পুথোক্লিবা পোত্থোকশিং, ভারত্তা পুথোক্লিবা পাম্বৈশিং অসিদগী মালেম পুম্বনা কান্নবা ফংগদৌরিবনি। ৱাই২কেগী মতমদা ভারতনা লৌখিবা থৌদাং, কমদৌনা ভারতনা মালেমগী চিংনবা কোকহনখিবগে হায়বা মালেম অসিনা কৈদৌঙৈদসু কাউবা ঙম্লোই। ঙসিগী লুরবা তান্ফমসিদসু ঐখোয়গী ফার্মা ইন্দস্ত্রীগী থৌদাংনা ভারতনা মহাক্কী ৱাখল থাদখিবা হীরম খুদিংদা মালেম শিনবা থুংনা মদুগী কান্নবা ফংহল্লি হায়বা ৱাফমসু ময়েক শেংনা উৎলি।
মরূপশিং,
ঙসি মালেম পুম্বনা ভারত্তা মপুং ফানা থাজবা থম্লিবসি অদোমগুম্বা মীরমদা লৈখ্রবা ভারত মচা কয়াগী থৌদাংসু চাউনা য়াওরিবনি। অদোম্না চৎলু চৎলুবা মফম খুদিংদা ভারতপু, ভারত মচা ওইবগী লীচৎ পুদুনা চৎলি। অদোম্না ভারত মচাগী লীচৎ চত্তুনা হিংলি। অদোম্না ভারতকী লীচৎনা মীয়ামবু মীকপ থোকহল্লি। চীঞ্জাক্তা ওইরবসু, অকে অমৌ, ইমুংগী মরীগী মরুওইবা ওইরবসু, লল্লোন ইতিক্কী মরুওইবা ওইরবসু অদোম্না ভারতকী লীচৎপু শন্দোক্লি। ভারতকী চৎনবী মালেম শিন্বা থুংনা পাম্নরিবসি মেগজিন, কুকবুক নৎত্রগা মেনুএলশিংদগী হেন্না অদোমগী পুন্সি, অদোমগী লীচৎ শাজৎ, অদোমগী থৌগল্লোন কয়াসিনা মরম ওইদুনা ওইরক্লিবনি হায়বসি ঐনা মতম পুম্নমক্তা থাজদুনা লাক্লি। ভারতনা হীরম অমত্তদা মালেমসিদা থংজিনখিদে অমদি থংজিন্নবা হোৎনখিদে, কৈদৌঙৈদসু থংজিন্নবা খল্লুদে মদুগী মহুত্তা মালেমসিদা অদোম খুদিংমক্না ভারতকীদমক মিনুংসি অমদি অপামবা পোকহল্লিবনি। লাংতক্নবা অমদগী হৌখিবা ওইরবসু মদু ফিরেপ অমদা পন্থুং ওইরি।
ঙসি ভারতনা মরোমদোম লেপচনবা মাঙদা চঙশিল্লিবা অসিদসু ব্রান্দ ইন্দিয়াগী মশক চেৎশিনবদা অদোমগী থৌদাং মরুওই। অদোম্না ভারত্তা শাবা পোৎলমশিং হেক য়াম্না শীজিন্নরিবমখৈ অদোমগী নাক-য়েত্তা লৈরিবশিংদসু পোৎলমসিংসিদা থাজবা হেনগৎলক্কদৌরিবনি। অদোমগী মপাংশিংনা অদোমগী মরূপশিংনা ভারত্তা শাবা পোৎলমশিং শীজিন্নবা উবা মতমদা অদোমগী মফমদা চাউথোকচবা ফাওরোইদরা? চাদগী হৌরগা ফিরোল অমদি লাইয়েং পথাপ ফাওবদা অমা হেক্তা ওইবা য়াই। ঙসি খাদিনা মালেমগী পুক্নিং চিংশিনবা উবদা ঐদি নুংঙাইবা ফাওই। মসিনা মরম ওইরগা অদোম্না ভারতকী এক্সপোর্তকী ভোলুমসু হেনগৎহননি লোয়না লোয়ননা ভারতকী ইনাক খুল্লবা দাইভর্সিতীবুসু মালেম শিনবা থুংনা য়ৌহনগনি। খ্বাইদগী মরুওইবা ৱাফমদি আত্মনিরভর ভারতকী মতেংনা অদোম্না মালেমগী খ্বাইদগী লায়রবশিংদা অহোঙবা অমদি মতিং লৈবা পাম্বৈশিং য়ৌহন্নবা পাম্বৈ অদোম্না ওইগদৌরিবনি।
মরূপশিং,
ভারত্তা ইনভেস্তমেন্ত ওইরবসু নৎত্রগা মশিং য়াম্লবা রিমিত্তেন্সকী ৱাফম ওইরবসু অদোমগী মতেং মমল নাইদে। অদোমগী হৈ শিংবা, অদোমগী ইনভেস্তমেন্ত, অদোমগী নেতৱর্ক, অদোমগী ৱাখল্লোনগী কান্নবা ভারত মচা খুদিংমক্না, হিন্দুস্তান পুম্বনা মতম পুম্বগী ওইনা চাউথোকচরি অমদি অদোমগী কান্ননবসু মতম পুম্নমক্তা হোৎনদুনা লাক্লি। মসিগীদমক্তা অদোম্না তাঞ্জা ফংননবা অমদি মফমসিগী অনীংবসিংসু থুংননবা ঐখোয়না মথৌ তাবা খোঙথাঙ কয়া লৌখৎলি।
চয়োল খরগী মমাঙদা অহানবা ওইনা গ্লোবেল ইন্দিয়ন সাইন্তিস্ত সম্মিত হৌদোকখিবা অদোম কয়া অমনা খঙলমগনি। থৌরম অসিদা লৈবাক ৭০দগী সাইন্তিস্ত অমসুং এক্সপর্ত লিশিং ২৫ হেনবনা চাউরাক্না পুর চাতরেৎকী ময়াদা খন্ন-নৈনখি। অদুগা মসিদগী হীরম কয়াদা তেক্নোলোজী অমসুং সিস্তেমগী চাউখৎপা পুরকপদা মতেং ওইগদবা হীরম ৮০দা চাউরাক্না রিপোর্ত ১০০রোম পুথোকখি। থৌরম অসি হৌজিক্তি মতৌ অসুম্না মখা চত্থরগনি। মসিগী মথক্তা হৌখিবা থা খরসিদা মহৈ মশিংদগী হৌরগা এন্তরপ্রাইজেস ফাওবদা মপুং ফাবা অহোংবা পুরক্নবগীদমক স্ত্রকচরেল রিফোর্ম পুরকখি। মসিনা অদোমগী ইনভেস্তমেন্তকী খুদোংচাবা কয়া পুরক্লি। মেনুফেকচরিং য়োকখৎনবা প্রদক্সন লিঙ্ক সবসিদী স্কিম য়াম্না পাম্নখি অমদি য়াম্না তেল্লবা মতমদা মীয়াম্না পাম্নখি। অদোমসু মসিগী কান্নবা মপুং ফানা লৌবা য়াই।
মরূপশিং,
ভারত লৈঙাক্না মতম পুম্বদা তাঙ্কক পুম্বদা অদোমগীদমক অদোমগা লোয়ননা লেপ্তুনা লৈরি। মালেম পুম্বদা কোরোনাগী লাকদাউন্না মরম ওইদুনা পন্দুনা লৈহৌরবা ভারত মচা লাখ ৪৫ হেনববু বন্দে ভারত মিসনগী খুত্থাঙদা কনখি। মীরমদা লৈরিবা ভারত মচাশিংদা মতম চানা মতেং ফংহন্নবা লৌখৎপা য়াবা থৌরাং লৌখৎখি। লাইচৎনা মরম ওইরগা মীরমদা লৈরিবা ভারত মচা কয়াগী থবক তৎহন্দনবা দিপ্লোমেতিক ওইবা থৌওংদা হোৎনবা য়াবা খুদিংমক হোৎনখি।
গল্ফ য়াওনা লৈবাক কয়াদগী হল্লকখিবা মরূপশিংগীদমক ‘স্কিল্দ ৱর্কর্স এরাইভেল দেতাবেজ ফোর এম্প্লোইমেন্ত সপ্পোর্ত’ হায়বদি স্বাদেশ কৌবা অনৌবা থৌরাং অমা হৌদোকখি। দেতাবেজ অসিগী পান্দমদি বন্দে ভারত মিসনদা হল্লকখিবা শিন্মীশিংগী স্কিল মেপ্পিং তৌবা অমদি মখোয়বু ভারতকী অমদি মপা লৈবাক্কী কম্পেনীশিংগা শম্নহনবনি।
মতৌ অসুম্না মালেম পুম্বদা লৈরিবা ভারত মচাশিংগা লোয়ননা হেন্না ফবা কন্নেক্তিভিতীগীদমক রিস্তা কৌবা অনৌবা পোর্তেল অমা হৌদোকখি। পোর্তেল অসিনা চিরবা তান্ফমদা ঐখোয়গী ফুরুপশিংগা পাউ ফাওনদুনা মখোয়দা থুনা য়াঙনা য়ৌশিনবদা লায়হল্লি। পোর্তেল অসিনা মালেম পুম্বদা লৈরিবা ঐখোয়গী মরূপ মপাংশিংগী হৈ শিংববু ভারত চাউখৎহন্নবা শীজিন্নবদা চাউনা মতেং ওইগনি।
মরূপশিং,
মফমসিদগী ঐখোয় নীং তম্বগী ৭৫শুবা চহীগী মায়কৈদা চঙশিল্লি। মথঙগী প্রবাসি ভার্তিয়া দিবস নীং তম্বগী ৭৫শুবা কুমওন থৌরমগা মরী লৈননা পাঙথোক্কদৌরি। মহাত্মা গান্ধী, নেতাজি সুভাসচন্দ্র বোস অমসুং স্বামী বিবেকানন্দনচিংবা মশিং থিঙমদ্রবা অথোইবা মীওইশিংগী ৱাখল্লোন্না মালেম পুম্বদা ভারতকী ফুরুপচাশিংনা নীংতম ইহৌদা মরু ওইবা থৌদাং লৌখি। অসুম্না ভারতকী মপান্দা লৈনা লৈনা ভারত নীং তম্নবগীদমক থৌদাং কয়া লৌখিবা মরূপশিং অমদি লান্মীশিং নীংশিংবগী খুদোংচাবসু ফংলগনি।
মালেম শিন্বা থুংনা লৈরিবা ভারতকী ফুরুপচাশিংদা ঐখোয়গী পান্দমদা শরুক য়ারিবা মীপুম খুদিংমক্কী মফমদা ঐনা হায়জনিংবদি ভারতকী মপান্দা লৈখিবা ভারতকী নীংতম ইহৌদা মরুওইবা থৌদাং লৌখিবা মীওইশিংগী ৱারী অমদি মরী লৈনবা পোৎশকশিং থম্বা য়াবা দিজিতেল ফম্পাক অমা, পোর্তেল অমা শেমসি হায়বসিনি। ফোতো লৈরবসু ফোদোতু থমজিনবিয়ু। মালেম পুম্বদা করমবা মতমদা কনানা করি তৌখি, কমদৌনা তৌখি হায়বা ৱাফমশিং মদুদা মমি তাহনসি। ভারত মচা খুদিংনা লৌখিবা থৌদাং, থবক থৌওং, কত্থোকখিবা, ভারত ইমাগীদমক মখোয়না নীংজখৎবা, ভারতকী মপান্দা লৈদুনা নীংতম ইহৌদা থৌদাং য়াখিবা মখোয়গী পুন্সি ৱারীশিং শক্ন-শোন্নহনসি।
কুইজ কম্পিতিসনগীদমক শেম শারিবা কুজশিং অদুসু মালেম পুম্বদা লৈরিবা ভারতকী ফুরুপচাশিংনা পাংলকপশিংগী মতাঙদসু তোঙানবা শরুক অমা য়াওহনসি হায়বসিসু ঐগী অপাম্বনি। ৱাহং চামঙা, চাতরেৎ, লিশিং ওইরবসু মদুনা মালেম পুম্বদা শন্দোক্তুনা লৈরিবা ভারত মচাশিংগী মরমদা খঙনিংবা কয়াগীদমক কান্নরবা ইপাক অমা ওইগদৌরিবনি। অসিগুম্বা খোঙথাঙ কয়ানা ঐখোয়গী মরী হেন্না চেৎশিনহনগনি, তুংগী মীরোলশিংগী পুক্নিং থৌগৎকদৌরিবনি।
মশিং য়াম্লবা অদোম পুম্নমক্না ঙসি ভর্চুএল ওইনা উনরি। কোরোনানা মরম ওইদুনা মায় মায় ওনশিন্নদুনা উনবদি ওইথোকত্রে অদুবু ভারত মচা খুদিংনা অদোম মশা মউ ফনা লৈবা, অদোম্না শাফনা লৈবা অমদি অদোমগী অমদি লৈবাক্কী মীংচৎ পুরকপা ওইসনু হায়না নীংজরি।
অসিগুম্লবা থৌনি অসিগা লোয়ননা ঐনা সুরিনামগী রাস্ত্রপতিজীবু অমুক্কা হন্না পুকচেল শেংনা তৌবিমল খঙবা উৎচরি। ঙসি ঐখোয়গী ইরক্তা মহাক্না তিনবিদুনা ভারতকী মীংচৎ পুরক্নবা হোৎনবা মীওইশিংগী মরক্তা মহাকসু অমা ওইরে। ঐনা মহাকপু অখন্ননা থাগৎচবা ফোঙদোকচরি। অসিগুম্বা ৱাখল্লোন অসিগা লোয়ননা অদোম পুম্নমকপু হন্না হন্না থাগৎচরি।
*****