The Prime Minister addressed the beneficiaries of the Pradhan Mantri Garib Kalyan Anna Yojana in Uttar Pradesh.
Narendra Modi · Prime Minister of India
- Context
- Modi addressed beneficiaries of the Pradhan Mantri Garib Kalyan Anna Yojana in Uttar Pradesh on August 5, 2021, highlighting food distribution and state development.
- Main themes
- Pradhan Mantri Garib Kalyan Anna Yojana, food distribution, Uttar Pradesh development, COVID-19 relief, welfare schemes for marginalized communities, PM Svanidhi Yojana, abrogation of Article 370, Ram Temple Ayodhya, Olympic achievements, double-engine government, infrastructure growth, clean drinking water mission
- Duration
- ~4 min
- Words
- 512
- Sentences
- 30
- Readability
- 41
- Grade
- 11.8
- Syntax
- 2.66
- Vocabulary
- 2.38
Translated from Manipuri
The broad sphere of national life a sentence belongs to. Every sentence has an Arena, so it is the denominator the other indices are read against.
Other30 sentences in 10 paragraphs
Greetings,
We are gathered here today to discuss an important matter. The essence of this discussion is to highlight the benefits received by all beneficiaries from the food distribution in Delhi. The previous governments had neglected the distribution of food in Uttar Pradesh, but now, under the leadership of the Prime Minister's Garib Kalyan Anna Yojana, Uttar Pradesh is witnessing significant progress. We are committed to ensuring that every citizen receives the necessary support, and we are determined to make this program a success.
In this regard, the Chief Minister of Uttar Pradesh, Yogi Adityanath, along with all the ministers of the UP government, members of parliament, MLAs, mayors, and district panchayat chairpersons, have worked tirelessly to ensure that the benefits reach every corner of Uttar Pradesh. On August 5, a significant event took place, marking a new chapter in India's history. The abrogation of Article 370 and the integration of Jammu and Kashmir into the Indian Union was a monumental step. On the same day, the foundation stone for the grand Ram Temple in Ayodhya was laid, symbolizing a new era of unity and progress.
Furthermore, on August 5, our athletes made us proud by achieving remarkable success in the Olympics, showcasing India's potential on the global stage. This day will be remembered as a milestone in India's journey towards greatness. The achievements of our athletes have inspired the nation, and we are committed to supporting them in their endeavors.
The double-engine government of the center and Uttar Pradesh is working tirelessly to empower the people and strengthen the state. The campaign against COVID-19 has been successful, and we have provided housing, sanitation, and electricity connections to millions of households in UP. The mission to provide clean drinking water to every household is progressing rapidly.
The government is also focusing on the welfare of the marginalized communities, including Dalits, backward classes, and tribals, through various schemes. The PM Svanidhi Yojana is a significant initiative to support street vendors affected by the pandemic. In UP, loans worth crores have been disbursed to help them restart their businesses.
In the coming decades, Uttar Pradesh will play a crucial role in India's development. The state is poised to become a hub of economic growth and prosperity. The people of UP have rejected divisive politics and embraced a new era of development. The state is on the path to becoming a powerhouse of growth, contributing significantly to India's progress.
The government is committed to ensuring transparency and accountability in governance. UP is becoming a center of investment, attracting major companies and developing mega infrastructure projects. The state is witnessing unprecedented growth in various sectors, including education, health, and industry.
In conclusion, the people of Uttar Pradesh are determined to build a prosperous and developed India. We are celebrating 75 years of independence with a renewed commitment to progress. The achievements of UP in various fields are a testament to the hard work and dedication of its people. We are confident that UP will continue to lead the way in India's journey towards greatness.
Thank you.
The original Manipuri. The tags above are read on the English translation's sentences.
খুরুমজরি,
ঙসি ময়ামগা ৱারী শানবা অসিদা য়াম্না অপেনবা পোকই। অপেনবা পোকপগী মরমদা দিল্লীদগী থাবা চেং-চাক খুদিংমক বেনিফিসিয়রী খুদিংমক্কী পুখম য়ৌনবা ঙম্লি। মমাংগী সরকারশিংনা উত্তর প্রদেশতা লায়রবশিংগী চেং-চাক অসি লুৎ তৌখিবা অসি মদুগী মওং অদু চত্থদ্রে হায়বা ৱাফম অসিদা অপেনবা পোকই। প্রধান মন্ত্রী গরীব কল্যান অন্ন য়োজনা য়ু.পি.দা ইমপ্লিমেন্ত তৌরিবা মওং অসিনা অনৌবা উত্তর প্রদেশকী মশক তাকপদা পাঙ্গল হাপ্লি। নখোয়না ৱা ঙাংবদা লৈরিবা থৌনা, থাজবগা লোইননা ৱা ঙাংলিবা অমসধং নখোয়গী ৱাহৈ খুদিংমক্তা অশেংবা অচুম্বা য়াওরি, নখোয়গী ৱারী শাবদা ঐঙোন্দা নুংঙাইবা পোকই। মসিদা ঐহাক্না য়াম্না অপেনবা পোকই। ঙসি ঐহাক্কী ইফমদা নখোয়গীদমক্তা থবক তৌনবগী ইনোৎ অদু হেনগৎলে। লাকও নখোয়গী ৱারী শারসি, হৌজিক ঐখোয়না প্রোগ্রাম মখা চত্থরসি।
ঙসিগী থৌরম অসিদা উত্তর প্রদেশকী মুখ্য মন্ত্রী, য়োগীসু শরুক য়ারি, কর্ময়োগীশু শরুক য়ারি। ঐখোয়গী য়োগি অদিত্যনাথজী, য়ু.পি. সরকারগী ঐখোয়গী মন্ত্রী পুম্নমক, পার্লিয়ামেন্তদা লৈমিন্নরিবা ঐহাক্কী মরূপ পুম্নমক, এম.পি. পুম্নমক, এম.এল.এ.শিং, মেয়রশিং, জিলা পঞ্চায়ৎকী অধ্যকশিং অমসুং ঙসি উত্তর প্রদেশকী মফ খুদিংমক্তা মশিং য়াম্না তিল্লিবা ঐহাক্কী নুংশিরবা ইচিল-ইনাওশিং য়েংবীয়ু ওগস্ত থা অসিনা ভারতকী পুৱারীদগী হৌরগা মাই পাকপশিং পুরক্লি। ভারতনা খুদম চনবা হৌরক্লে। ঙসিগী ওগস্তকী তাং ৫ অসি য়াম্না অখন্নবা নুমিৎ ওইররে। মসি য়াম্না মরু ওইবা ওইরক্লে। পুৱারীনা চহি কয়া ফাওবা মসি রেকোর্দ তৌগনি। ওগস্তকী তাং ৫ অসিমক্তদা চহি ২গী মমাংদা এক ভারত, শ্রেস্থ ভারতকী ৱাখল্লোন অসি হেন্না চেৎশিনহনখি। দিকেদ ৭কী ময়াগী মতুংদা, ওগস্ত ৫ মক্তদা আর্তিকল-৩৭০ লৌথোকখি অমসুং জম্মি কশ্মীরগী প্রজা খুদিংমক্তা হক খুদিংমক, খুদোংচাবা খুদিংমক মপুং ফানা শরুক য়াবা ঙমহনখি। ওগস্ত ৫ অসিমক্তদা ভারত মচা করোর-করোরনা চহি চামগী মতুংদা অচৌবা রাম মন্দির শানবগী মাইকৈদা অহানবা খোঙথাং থাংখি। ঙসি অয়োধ্যাদা খোঙজেল য়াংনা রাম মন্দির শারি। অমসুং ঙসি ওগস্তকী তাং ৫ অসিনা অমুক হন্না ঐখোয়দা হরাও-নুংঙাইবা পুদুনা লাক্লি। ঙসি অসিমক, ওলিম্পিক্কী শান্নবুংদা লৈবাক অসিগী নহারোলশিংনা হোকীগী ঐখোয়গী মীংচৎ অদু অমুক হন্না হিংগৎহন্নবা মাইকৈদা অচৌবা খোঙথাং অমা থাংখ্রে। মসিগী নুংঙাইরবা মীকুপ অসি দিকেদ ৪গী মতুংদা লাকপনি। হোকীনা ঐখোয়গী জাতিগী মশক তাক্তুনা লাকখি। ঙসি ঐখোয়গী নহারোলশিংনা মীংচৎ অসি অমুক হন্না ফংদুনা লৈবাক অসিদা অচৌবা খুদোল অমা তম্বীখি। অদুবু লাইবক ফবদি নুমিৎ অসি য়ু.পি.গী মীওই করোর ১৫, ঐহাক্কী লায়রবা ইমুং-মনুংগী ইচিল-ইনাওশিং, মীওই করোর ৮০ হেনবনা সরুক য়ারিবা অসিগুম্বা য়াইফরবা থৌরম অসিগা পুন্না তামিন্নরি, হৌজিক চহি অমা হেলক্লবা অসি ফাওবা মীওইশিং অসিনা লেম্না চেং-চাক ফংলি। অদুবু ঙসি ঐহাক্না য়াইফরবা থৌরম অসি শরুক য়াবগী খুদোংচাবা অমা ফংজনু নখোয়গা উনবা ফংজরে।
ইচিল-ইনাওশিং,
নাকল অমরোমদা ঐখোয়গী লৈবাক্না, ঐখোয়গী নহারোলনা ভারতকীদমক অনৌবা মাইপাকপশিং পুরক্লি, মখোয়না মাইপাকপগী গোল চন্নবা হোৎনরি অদুগা লৈবাক অসিগী মীওই খরনা রাজনীতিগী ওইবা কান্নবগীদমক সেল্ফ গোল চন্নবা হোৎনরি। লৈবাক অসিনা করি পাম্লি, লৈবাক অসিনা করি ফংবা ঙম্লি, লৈবাক অসিনা করম্না হোংলক্লি হায়বা অসি মখোয়দদি করিসু থোইদোক্তে। মীওইশিং অসিনা মখোয়গী ওইজবগীদমক লৈবাক অসিগী মতম অমসুং থৌনা লিংজেল অনিমক মাংহন্নবা হোৎনরি। মীওইশিং অসিনা রাজনীতিগী ওইবা মশাগী ওইজবগীদমক মীয়ামগী অপাম্বা ফোঙদোকফম ওইরিবা শেংলবা মফম ওইরিবা সম্বিধানবু লেপ্পা লৈতনা খোঙ্গোইনরি। ঙসি লৈবাক অসিগী প্রজা খুদিংমক্না অহানবা ওইনা মীওইবা জাতিনা চহি ১০০দা থেংনবা খ্বাইদগী অচৌবা খুদোংথিবা অসি থেংননবা কন্না হোৎনরি। অমসুং মীওইশিং অসিনা লৈবাক অসিগী চাউখৎ-থৌরাংগী পাইখৎলিবা থবক অসি করম্না অপনবা পীসিগে হায়না হোৎনরি। অসুবু মরূপশিং, অচৌবা লৈবাক অসিনা, লৈবাক অসিগী মীয়াম্না অসিগুম্বা পুকচেল পীকপা অমসুং লৈবাক্কী মায়োক্তা লৈবা রাজনীতিগী বন্দি ওইদুনা লৈবা য়ারোই। মীওইশিং অসিনা লৈবাক অসিবু, লৈবাক অসিগী চাউখৎ-থৌরাংবু থিংনবা ফনা হোৎনরবসু, লৈবাক অসি মখোয়না থিংবা ঙম্লোই।মখোয়না সম্বিধানবু থিংনবা হোৎনরি। অদুবু মীওই করোর ১৩০ অসিনা লৈবাক অসিনা চাউখৎপদা অপনবা থোকহল্লোই। শীংনবা খুদিংমক মায়োক য়াদুনা লৈবাক অসিনা হীরম খুদিংদা খোঙজেল য়াংনা মাংদা চংশিল্লি। হৌখিবা চয়োল খরা অসি য়েংবীয়ু অমসুং লৈবাক অসিনা অনৌবা রেকোর্দশিং থম্নবা হোৎনরিবা মরম অসিদা অমুক্তা য়েংবীয়ু। অমসুং মীওই খরানা দিল্লীদা সম্বিধান্দা অপনবা পীনবা হোৎনরি। করিগুম্বা ঐখোয়না হৌখিবা চয়োলশিং অসিদা য়েংলুবা আরবদি মফম খুদিংমক্তা ভারত মচাগী পাঙ্গল অমসুং চাউখৎপা উবা ফংগনি। লৈবাক পুম্বনা ওলিম্পিক্সতা অমুক্তা ওইখিদ্রিবা মওংদা পর্ফোর্মেন্স উৎলিবা অসি থৱাই য়াওনা য়েংনরি। ভারতনা ভেক্সিনেসনগী হীরমদসি মীওই করোর ৫০গী য়ুমথোংদা চৎতুনা লেপতুনা মাই পাকপা ঙমখ্রে।
য়াম্না থুনা মশিং অসি শোইদনা হেল্লগনি। কোরোনাগী মতম অসিদসু ভারতকী ইন্তর্প্রাইসনা অনৌবা পরাদিমসিং শেম্লি। মসি জুলাই থাদা খোমগৎখিবা জি.এস.তি. নত্ত্রগা ঐখোয়গী এক্সপোর্ত ওইরবসু, মখোয়না অনৌবা পন্দোম লোম্বা ঙম্লি। জুলাইদা লুপা করোর লাখ ১.১৬কী জি.এস.তি. খোমগৎখিবা অসিনা শেন্মীৎলোন খুমাং চাউশিল্লি তাকখ্রে। মসিগা ইরোইননা ভারতগী এক্সপোর্ত অসি নীংতম্লবা মতুংদা অহানবা ওইনা থা অমদা লুপা করোর লাখ ২.৫ হেনখি। অমসুং মসি হন্দক্কী থা অসিদা ওইখি। দিকেদ কয়াগী মতুংদা ঐখোয়না লৌউ-শিংউগী ওইবা এক্সপোর্তশিংদা মালেমগী মকোক থোংবা লৈবাক ১০গী মনুংদা চল্লি। ভারতকী মমাই ওইরিবা, লৈবাক অসিগী অহানবা মেদ ইন ইন্দিয়া এয়রক্রাফ কেরিয়র বিক্রান্তনা সমুদ্রদা মহাক্কী চায়েং চত্থবা হৌখ্রে। শীংনবা খুদিংমক মায়োক্নদুনা ভারতনা মালেমগী খ্বাইদগী ৱাংবা গারী চেনবা য়াবা লম্বেল লদাখতা শেম্বা লোইশিনখ্রে। হন্দক ভারতনা তুংলমচৎতা দিজিতেল ইন্দিয়া মপাঙ্গল হাপকদবা ই-রুপি হৌদোকখ্রে অমসুং মসিনা য়াইফ থৌরাংগী স্কীম অসিগী কান্নবা থুংহনবা ঙম্লগনি।
মরূপশিং,
মখোয়গী ফমগীদমক্তা খক্তা ৱাখিবশিংনা হৌজিক ভারতপু খাম্বা ঙম্লরোই। অনৌবা ভারতনা, ফম নত্তনা তকমান লৌদুনা মালেমবু খুদুম চল্লি। অনৌবা ভারতকীদমক মাংদা চংশিন্নবা লম্বেল অসি ইমুং-মনুংগী মহুৎ হোৎনবা কনবনা লেপ্লগনি। অমসুং মরম অসিনা ঙসি ভারতকী নহারোলশিংনা হায়রি – ভারতনা মাংদা চংশিল্লি, ভারতকী নহারোলনা মাংদা চংশিল্লি
মরূপশিং,
ঙসিগী য়োগিজী অমসুং মহাক্কী সরকারনা শিল্লিবা থৌরম অসি হেন্না মরু ওইরক্লি। অৱাবা মতম অসিদা লায়রবা মীওই অমতনা মহাক্কী য়ুমদা রাসন য়াওদনা লৈহল্লোইদবনি হায়বা অসি য়াম্না মরু ওই।
মরূপশিং,
লাইচৎ অসি হৌখিবা চহি চমা অসিগী খ্বাইদগী অচৌবা খুদোংথিবা ওইবতা নত্তনা মসিনা মালেমগী মীওই বিলিয়ন কয়া, অপুনবা মীওইবা জাতিবু হীরম কয়াদা অৱাফমদা তাহল্লি। অমসুং মসিনা খ্বাইদগী অচৌবা শীংনবা অমা ওইহল্লি। হৌখিবা মতমদা লৈবাক অসিদা অসিগুম্বা অচৌবা খুদোংথিবা অমা থোকপা মতমদা লৈবাক অসি সিস্তেম পুম্নমক্তা চাউনা ফীভম শোকহনখি হায়বা ঐখোয়না থেংনখ্রে। মীয়ামগী থাজবসু মাংখি। অদুবু ঙসি ভারতনা, ভারতী প্রজা খুদিংমক্না লাইচৎ অসি অরৈবা পাঙ্গল ফুদোক্তুনা লাইচৎ অসি থেংনরি। মেদিকেল সর্ভিসেসকা মরী লৈনবা ইনফ্রাস্ত্রকচর ওইরবসু, মালেমগী খ্বাইদগী চাউবা লেম্না তীকা থাদোকপগী খোঙজং ওইরবসু নত্ত্রগা ভারত মচাশিংবু চরা হেনবদগী কন্নবা খ্বাইদগী চাউবা খোঙজং ওইরবদু ভারতনা প্রোগ্রাম অসি লুপা করোর লাখ কয়া-কয়া চংদুনা মাই পাক্না মাংদা চংশিল্লি। লাইচৎকী খুদোংথিবা থোক্লিঙৈ চৈরক্তা ভারতনা মহাক্কী মশিং য়াম্লবা জোব ক্রিএতর অমসুং অচৌবা মেগা ইনফ্রাস্ত্রকচর প্রোজেক্তশিং ফাওবা লেপহনখিদে। য়ু.পি.গী মীয়াম্না অমনা অমগী মতেং পাংনদুনা লৈবাক অসিগী মতিক-ময়াই হেনগৎহন্নবা হোৎনরিবা অসিদা ঐহাক্না নুংঙাইবা পোকই। য়ু.পি.দা হায়ৱেজ, এক্সপ্রেসৱেজ অমসুং দেদিকেতেদ ফ্রৈৎ কোরিদোরশিং অমসুং দিফেন্স কোরিদোরশিংগুম্বা প্রোজেক্তশিংনা খুমাং চাউশিল্লিবগী খোঙজেল অসি মসিগী খুদম অমনি।
মরূপশিং,
অসিগুম্বা খুদোংথিবা অমা লৈরবসু রাসনদগী হৌরগা অতৈ চান্নবা পোৎলমশিংগী মমলশিং অসি মালেম শিনবা থুংবদা অৱাবা থেংনরবসু ঐখোয়না লাকশিন্নবা হোৎনরি। অসিগুম্বা ফীভম অসিদা ঐখোয়না অপীকপা ঈচাউ অমনা ফাওবা শঙ্গোম অমসুং মনা-মশিংগী মমলশিং হেনগৎহনগনি হায়বা খঙই। খজিক্তং অপনবা পীবনা পোৎ মমল ৱাংখৎহল্লি। ঐখোয়গী মমাংদা অচৌবা শীংনবা অমসু লৈরি অদুবু মসি লাকশিন্নবা ঐখোয়না কন্না হোৎনরিবা হায়না ঐখোয়গী লায়রবা মিদল ক্লাসকী ইচিল-ইনাওশিংদা থাজবা পীরি; মসি নখোয়গী মতেংগা লোইননা ওইথোকপা ঙমগনি। কোরোনাগী মতমগী মনুংদা ফাওবা লৌউ-শিংউ অমসুং মরী লৈনবা থবক-থৌরমশিং অসি লেপহনখিদে অদুবু মসি নীংথিনা চেকশিন থৌরাং লৌখৎতুনা মখা চত্থহনখি। লৌমীশিংনা মরু-মরাংশিং অমসুং হারশিং অমসুং মখোয়গী পোত্থোকশিং য়োনবা মতমদা অপনবা অমত্তা থোক্তনবা নীংথিনা শিল-লাংখি। মরম অসিনা ঐখোয়গী লৌমীশিংনা রেকোর্দ ওইনা পোত্থোক পুথোকখি অমসুং সরকারনসু এ.এস.পি.দা পোৎশিং অসি লৈবগী অনৌবা রেকোর্দ থম্বা ঙমখি। অমসুং ঐখোয়গী য়োগিজীগী সরকারনা হৌখিবা চহি মরি অসিদা চহি খুদিংগী ওইনা এম.এস.পি.দা চেং-হৱাই লৈশিনবগী অনৌবা রেকোর্দশিং থম্লি। হৌখিবা চহিগা চাংদম্নবদা গেহু অমসুং ফৌ এ.এস.পি.দা লৈশিনবনা কান্নবা ফংহনখিবা লৌমীশিংগী মশিং অসি শরুক অনি হেনগৎখ্রে। য়ু.পি.গী লৌমীগী ইমুং-মনুং লাখ ১৩ হেনবনা মখোয়গী বেঙ্ক একাউন্তশিংদা মখোয়গী পোত্থোক্কী লুপা করোর ২৪,০০০রোম হকথেংননা ফংখি।
মরূপশিং,
কেন্দ্র অমসুং উত্তর প্রদেশকী দবল ইঞ্জিন সরকারনা মীচম প্রজাগী খুদোংচানবা অমসুং শক্তি পীনবা লেপ্তনা হোৎনরি। কোরোনা লাইচৎ লৈরবসু কেম্পেন অসিনা লায়রবদা খুদোংচাবশিং ফংহনবদা তপথবা তৌখিদে। হৌজিক ফাওবদা, য়ু.পি.গী খুঙ্গংগী অমসুং সহরগী লায়রবা ইমুং-মনুং লাখ ১৭ হেনবদা পক্কাগী য়ুমশিং সেঙ্কসন তৌখি। লায়রবা ইমুং-মনুং লাখ কয়া-কয়াদা য়ুমদা তোইলেৎ ফেসিলিতীশিং ফংহনখ্রে। উজ্বালাগী মখাদা লায়রবা ইমুং-মনুং করোর ১.৫রোমদা লেম্না চাক থোং গ্যাস ফংহনখ্রে অমসুং ইমুং-মনুং লাখ কয়াদা ইলেক্ত্রিসিতী কন্নেক্সনশিং পীখ্রে। য়ু.পি.দা য়ুমথোং খুদিংদা ঈশিং পীনবা মিসন খোঙজেল য়াংনা চংশিল্লি। হৌখিবা চহি অনিগী মনুংদা য়ু.পি.দা খুঙ্গংগী য়ুমথোং লাখ২৭তা তোতি ঈশিং সপ্লাই তৌখ্রে।
ইচিল-ইনাওশিং,
দবল ইঞ্জিনগী সরকার অসিনা লায়রবশিং, দলিতশিং, শোত্থরবশিং, আদিৱাসিশিংগীদমক্তা পাইখৎলিবা য়োজনাশিং অসি খোঙজেল য়াংনা পাইখৎপা ঙমহল্লি। পি.এম. স্বনিতি য়োজনাসু মসিগী অচৌবা খুদম অমনি। কোরোনানা ওইহনখিবা ফীভমশিংদা স্ত্রীৎ ভেন্দরশিং অসি মখোয়গী পুন্সি মহিং অদু লেপহনদনবা বেঙ্কশিংগা লোইননা লিঙ্ক তৌখি। অতেনবা মতমগী মনুংদা স্কীম অসিগী মখাদা য়ু.পি.দা মরূপ লাখ ১০রোমদা কান্নবা পীনবা থবক হৌখ্রে।
মরূপশিং,
হৌখিবা দিকেদশিংদা উত্তর প্রদেশকী মশক অসি করিনা তাকপগে অমসুং উত্তর প্রদেশকী মতাংদা করি হায়না পনবগে হায়বদু নিংশিংদুনা য়েংবীয়ু। উত্তর প্রদেশ অসি মতম পুম্বদা রাজনিতীগী ওইবা মীৎয়েং অমদা উদুনা লাক্লি। লৈবাক অসিগী চাওখৎ থৌরাংদা য়ু.পি.না অচৌবা থৌদাং লৌবা য়াই হায়বসি খন্নবীরমদে। দিল্লীগী শিংহাশন ফংনবা লম্বেল অসি য়ু.পি. ফাওদুনা চৎলি হায়না খনজবা কয়া অমা থোরকখ্রে অদুগা কয়া অমনা চৎখ্রে অদুবু মখোয়না ভারতকী প্রোসপরিতী লম্বেল অসিসু য়ু.পি. ফাওদুনা চৎলি হায়বসি কৈদৌনুংদা নিংশিংখিদে। মসিগী মীওইশিং অসিনা উত্তর প্রদেশ অসি রাজনিতীগী মরুওইবা মফম অমখক ওইনা থম্বীরম্মি। মীওই খরানা য়ু.পি. অসি ইমুং মনুংগী নত্ত্রগা রাজনিতীগী ওইবা অপাম্বগী খক্তা ওইনা শিজিন্নরি। হায়রিবা মীওইশিং অসিগী অনেম্বা রাজনিতী অসিনা মরম ওইদুনা অসিগুম্বা চাওরবা রাজ্য অসি ভারতকী ইকনোমিক দিবেলপমেন্তকা মরী লৈনহল্লমদে। হোয় মীওই খরা মমিং চৎলি ইমুং খরনা ইনাক খুল্লি। হায়রিবা মীওইশিং অসিনা য়ু.পি. অসি শেমগৎপগী মহুৎতা মখোয় মশাখক্তমক শেমগৎখি। ঙসিদি উত্তর প্রদেশ অসি হায়রিবা মীওইশিং অদুগী তমথীরবা সর্কল অদুদগী নান্থোরক্তুনা মাংলোমদা চংশিল্লকপদা ঐহাক্না নুংঙাইবা পোকই। দবল ইঞ্জিন সরকার অসিনা য়ু.পি.গী তৌবা ঙম্বা অসি অখুবা মীয়েংদা য়েংলম্বা অদুদগী হোংদোকপা ঙম্লে। হৌখিবা চহিশিংদা য়ু.পি.না ভারতকী গ্রোথ ইঞ্জিন্দা পাৱরহাউস ওইবা য়াই হায়বগী থাজবা অদু শেমগৎপা ঙম্লে। য়ু.পি.গী পুৱরীদা অহানবা ওইনা ইচম চমজবা মীওইশিংগী মঙলানশিংগী মতাংদা খন্নবা হৌরে। য়ু.পি.গী পুৱরীদা অহানবা ওইনা ক্রিমিনেলশিংগী মরক্তা অকিবগী এতমোসফিয়র অমা পোকহনবা ঙম্লে। য়ু.পি.গী পুৱরীদা অহানবা ওইনা লাইরবশিংবু তুহৎপীবা, অশোনবশিংবু নমথবীবা অমসুং আইন কাইনা লৈশিনবা মীওইশিংগী ৱাখল্লোন্দা অকিবগী মমি অমা তাহনবা ঙম্লে।
শেঞ্জা-থুমজা অমসুং নেপোতিজমদা লাইচুরবা সিস্তেম অসিদা অচৌবা অহোংবা অমা লাকপা হৌখ্রে। ঙসি য়ু.পি.দা মীয়ামগী একাউন্তদা হকথেংননা য়ৌহনদুনা, মীয়ামদা কান্নবা ফংহনদুনা মীয়ামগী শিয়রগী শেলয়েক খুদিংমক য়ৌহন্নবা হোৎনরি। ঙসি য়ু.পি. অসি ইনভেস্তমেন্তগী সেন্তর ওইরক্লি। অচৌবা কম্পনীশিংনা য়ু.পি.দা লাক্নীংলি। য়ু.পি.দা ইনফ্রাস্ত্রকচরগী মেগা প্রোজেক্তশিং দিবেলপ তৌরি, ইন্দস্ত্রিএল কোরিদোরশিং শেমগৎলি অমসুং অনৌবা থবক্কী খুদোংচাবশিং পীরি।
ইচিল ইনাওশিং,
উত্তর প্রদেশতা লৈরিবা হোৎনবা কনবা মীয়াম অসিনা মরোমদোম লেপ্পা ভারত, মাই পাকপা ভারত অমা শেমগৎপাদা অচৌবা থৌদাং অমা লৌগনি। ঙসি ঐখোয়না নিংখাতম্বগী চহি ৭৫ শুরকপগী পালন তৌরি, নিংতম্বগী থৌরম পাংথোক্লি। মসিগী থৌরম অসি নিংখাতম্বগী থৌরম খক্তা নত্তে। মসি লাক্কদৌরিবা চহি ২৫ অসিগী অচৌবা পান্দমশিং, অচৌবা ৱারেপশিংগী লৌনবগী খুদোংচাবা অমনি। মসিগী ৱারেপশিং লৌবদা উত্তর প্রদেশনা অচৌবা থৌদাং লৌরি। হৌখিবা দিকেদ কয়াদা উত্তর প্রদেশনা ফংবা ঙখিদবা অদু ফংবা ঙম্নবা খুদোংচাবা অমনি। মসিগী দিকেদ অসি উত্তর প্রদেশতা হৌখিবা চহি ৭০ অসিদা পাংথোকপা ঙমখিদ্রবা থবক কয়া পাংথোক্নবা দিকেদ অমনি। মসিগী থবকশিং অসি য়ু.পি.গী নহা পুম্বা, ঐখোয়গী ইচানুপীশিং, লাইরবা, তুহৎপিরবা, শোত্থরবা কাংলুপশিং য়াওদনা অমসুং মখোয়দা খুদোংচাবশিং পীদনা মসিগী থবক অসি পাংথোকপা য়ারোই। ঐখোয়না সবকা সাথ, সবকা বিকাস অমসুং সবকা বিশ্বাস হায়বা মন্ত্র অসিগা মাংলোমদা চংশিল্লি। হৌখিবা মতমদা এজুকেসনগা মরী লৈননা অচৌবা ৱারেপ অনি লৌখ্রে অদুগা মসিনা উত্তর প্রদেশতা চাওনা কান্নবা ফংহল্লগনি। অহানবা ৱারেপ অসি ইঞ্জিনিয়র তম্বগা মরী লৈনৈ। য়ু.পি.গী খুঙ্গংশিংগী অমসুং লাইরবা অঙাংশিংনা ইমহজিনিয়রিং অমসুং তেক্নিকেল এজুকেসনগা মরী লৈনবা মহৈ মশিংদা লোন্না মরম ওইরগা চাওনা অপনবা পীরি। হৌজিক্তি মসিগী তঙাইফদবা অসি লৌথোকখ্রে। ইঞ্জিনিয়রিং অমসুং তেক্নিকেল এজুকেসন অসি হিন্দী য়াওনা ভারতকী লোন কয়ামরুমদা তম্বীরগনি। মোর্দর্ন তেক্নোলোজী শিজিন্নদুনা খ্বাইদগী ফবা কোর্স, খ্বাইদগী ফবা করিকুলম শেমখ্রে। লৈবাক অসিদা লৈরিবা ইন্সতিত্যুসন কয়ামরুমদা মসিগী খুদোংচাবা অসি ইম্প্লিমেন্ত তৌবা হৌখ্রে।
ইচিল ইনাওশিং,
অতোপ্পা মরুওইবা ৱারেপ অমদি মেদিকেল এজুকেসনগা মরী লৈনবনি। ও.বি.সি.শিং, শোত্থরবা কাংলুপশিং অসি মেদিকেল এজুকেসন্দা ওল ইন্দিয়া কোতাদগী রিজর্বেসন ফংহনদে। মসিগী ফীভম অসি হোংদোক্লদুনা হন্দক্তা ঐখোয়গী সরকারনা মসিদা ও.বি.সিগী রিজর্বেসন চাদা ২৭ পীখ্রে। মসি খক্তা নত্তনা সেন্সন অসিদগী জেনরেল কেতগোরীগী লাইরবা ইমুংগী অঙাংশিংগী রিজর্বেসন চাদা ১০সু ইম্প্লিমেন্ত তৌরগনি। মসিগী ৱারেপ অসিনা মেদিকেলগী লমদা দোক্তর ওইবা পাম্বশিংগী অচৌবা তেলেন্ত পুল অমা শেম্লগনি। মসিনা লাইরবা অঙাংশিংগী দোক্তর ওইনবা লম্বেল অমা শেম্লগনি।
ইচিল ইনাওশিং,
হেল্থ সেক্তরদসু হৌখিবা চহি খরা অসিদা মমাংদা অমুক্তা পাংথোকখিদ্রিবা মওংদা উত্তর প্রদেশতা থবক কয়া পাংথোকখ্রে। করিগুম্বা মালেমগী লাইচৎ কোরোরনা অসি য়ু.পি.দা চহি ৪-৫গী মমাংদা লাক্লমলবদি ফীভম করি ওইরমগনি হায়বদু খন্দুনা য়েংবীয়ু। মতম অদুদা লোক লাইহৌ, লাইহৌ, কোলেরা অসি মতম অদুদা মীয়ামগী পুন্সি মাংবা লাইনা ওইরমখি। ঙসিদি উত্তর প্রদেশ অসি মীওই করোর ৫.২৫ মুক ভেক্সিনেসন তৌখিবা অহানবা রাজ্য ওইখ্রে। হায়রিবা অসি মীওই খরনা মেদ ইন ইন্দিয়া ভেক্সিনশিংগী মতাংদা চমম্নবা ৱাফম অমসুং অরানবা ৱফম শন্দোক্লিঙৈ চৈরক্তনি। অদুবু ৱাখল খন্থবা ঙম্লবা য়ু.পি.গী মীয়াম্না চম্নমবা অরানবা খুদিংমক লৌখিদে। উত্তর প্রদেশনা মীপুম খুদিংমক্কী লেম্না ভেক্সিন কাপথোক্নবা কেম্পেন অসি খোংজেল য়াংনা পাইখৎকনি অমসুং মাস্ক শিজিন্নবা অমসুং গজ অনিগী অরাপ্পা থম্বগী রুলশিং ঙাক্কনি হায়না ঐহাক্না থাজবা থম্মি। অমুক্কা হন্না ঐহক্না পি.এম. গরিব কল্যান অন্ন য়োজনাগী বেনিফিসয়রীশিংদা য়াইফ-মঙ্গোল পীজরি। য়াম্না থুনা হরাও কুহ্মৈশিং লাক্লগনি। দিৱালি ফাওবদা হরাও কুহ্মৈ কয়ামরু লৈরে। মরম অদুনা ঐখোয়না হায়রিবা হরাও কুহ্মৈশিং অসিগী মনুংদা লাইরবা অমত্তা অৱাবা মায়োক্নদনবা দিৱালি ফাওবা লেম্না চেং ফংহন্নবা ৱারেপ লৌরে। ঐহাক্না অমুক্কা হন্না লাক্কদবা হরাও কুহ্মৈশিং অসিগী মাংওইননা পুম্নমকপু য়াইফ-মঙ্গোল পীজরি। পুম্নমক্কা লোইননা ইমুং মনুংগী মীওইশিংসু হকচাং ফনা লৈবা ওইরসনু। হন্না হন্না থাগৎপা ফোঙদোকচরি!!
*****